Giuseppe Mancinelli, Nato a AMOROSI (BN), Vive e lavora a Napoli come Quadro d'Azienda. E' autore di poesia in lingua Italiana e Napoletana ed e' iscritto alla SIAE alla Sez. OLAF e alla Sez Musica-autore parte letteraria.
Pubblicazioni:
"Come foglie" -Ed. Era Nuova- Ellera Umbra-PG 1996 - Raccolta di poesie in lingua e vernacolo
"Scarde 'e stelle" -Fiorentino Ed.- Napoli 1999 - 100 poesie in Napoletano
"Nel silenzio di un'anima" -Magna Graecia Ed.- Napoli 2001-Raccolta di poesie in Lingua
Ha collaborato con la Casa Ed. Orizzonti Letterari di Milano e Manzella Editore di Roma. Presente in varie antologie: Orizzonti Oro, Pittura e poesia d'oggi, Sabba Duemila, Il Litorale, Momenti d'Umbria ed altre ancora. Ha partecipato a diversi concorsi letterari con importanti e lusinghieri riconoscimenti: primo premio e successivi (Spoleto, Perugia, San Donà di Piave, Piediluco, Napoli, Orvieto, Terni, etc.) con scritti editi e inediti.

Ha scelto per voi navigatori queste tre composizioni:

E chiove
'O tiempo
'O disoccupato

'O Tiempo
(31 Dicembre 2000)

Si m'affaccio 'a fenesta, veco 'o mare;
è sempe 'o stesso: 'a tanto tiempo fa!
Però, 'n'anno, nu secolo è fernuto;
anz'è millennio mo' ca se ne va.

'O tiempo nun cunosce mai fermate,
ma nce ne lassa tracce 'a raccuntà!
Nui', ca penzammo d'essere 'e padroni,
nun ce accurgimmo d'esse nullità
'nt'a 'st'universo bello e senza tiempo:
nce cunfruntammo cu ll'eternità!

Pe' chi nun 'a vo' lèggere, 'sta storia
è libbro ca nun sape fà 'mparà.
Sto sècolo ca già conta 'e minuti
appriesso se ne porta 'nfamità!
Guerra, violenza, e po' sopraffazzione,
odio, famma, mancanza 'e libbertà;

'a delinquenza -pubblica e privata:
a chesti cose avéssemo penzà.
Però, si 'ncielo splenne sempe 'a Luce,
'ncopp'a 'sta terra ancora mannarrà
nu raggio assai lucente pe' chist'uòmmene,
e 'na speranza nova nasciarrà.

'A vita ca sciurisce ogne matina
è troppo bella: nun se po' sciupà.

(dall'antologia "Sabba Duemila")

'O disoccupato

E passa 'n'anno,
po' ne passa 'n'ato,
e 'n'ato ancora...
intanto:

"Firmato protocollo d'intesa per..."
"Presentato progetto
che darà finalmente..."
"Le istituzioni impegnano tutte le..."

passano l'anne
e nun se vede niente!
Allora, ch'aggia fa'?
me votto 'a ccà,
scurdanno d'essere ommo
e primma o doppo
sempe moro acciso,
o mo' me votto 'a llà
e cu 'e criature mie
me puzzo 'e famma?

(dalla raccolta "Scarde 'e stelle")

...

udf@mclink.it